আঞ্চলিক ভাষায় ছড়া
গিরস্তের শেষলা খাম
রচনা : ফারুকুর রহমান চৌধুরী
লাঙ্গল জুয়াল চাঙ্গ তুলো
খেড় ঠামানি শেষ
গায়গিরস্তি অইছে বালা
দান ফাইছি বেশ।
বাইষ্যা মাসো আইলে আফাল
ডেউয়ে মারে বারি।
সময় খম বাড়ির ইর
বানতাম তারাতাড়ি।
চাইল্লা দড়ি বাঁশ তার
খামলা লগে নিয়া
বাড়ির লামা বান্দা লাগে
ডেউ ফিরাইতে গিয়া।
বাঁশের ডিকা দিমু কিছু
উন্দাফুলি বায়
গোছলা গরো খেঞ্চি লাগে
চাল যেন না উড়ায়।
ছাখরবন্দি খামলা যুদি
মনের মতো ফাই
এক খামলায় হখল খাম
খরতে বাদা নাই।
শেষলা খাম আডাইলে
আরাম মিলে বেশ
গিরছ বাড়িত দেখা দেয়
ছয়মাইয়া রেশ।
